Kínverskur kalkúnn (fyrir 8-10)

Hráefni

1 heill kalkúnn (4-5 kg), skorinn í bita
10 bollar vatn
3 bollar sojasósa
1 bolli sérrí eða sítrónugos (t.d. Fanta lemon)
6 sneiðar ferskt engifer (hver sneið u.þ.b. 1,5 cm á þykkt)
4 laukar, skornir í stóra bita
2 msk. sykur
1 ½ tsk. salt
½ tsk. svartur pipar
1 msk. ólífuolía

Aðferð

• Vatn, sojasósa, sérrí, engifer, laukur, sykur, salt og pipar sett saman í stóran pott yfir háum hita og suðan látin koma upp.
• Setjið kalkúnabitana ofan í sósuna og látið suðuna koma aftur upp.
• Lækkið hitann og látið malla í 30 mín.
• Takið upp úr pottinum og setjið í ofnskúffu eða eldfast mót, bakið í ofni við 175°C í 1 klst.
• Ausið soðinu yfir bitana á tíu mín. fresti á meðan á steikingu stendur.
• Hækkið hitann í 220°C, penslið bitana með matarolíunni og steikið í 5-10 mín. eða þangað til bitarnir eru orðnir vel brúnir.
• Takið kjötið af beinunum og berið kalkúninn fram.
• Þessi réttur er góður kaldur jafnt sem heitur.