Marokkóskur kjúklingapottréttur (fyrir 4-5)

Hráefni

400 g gróft niðurskorið kjúklingakjöt
1 msk. ólífuolía
1 meðalstór laukur, skorinn í báta
4 hvítlauksrif, marin
1 msk. engiferduft
2 meðalstórar gulrætur, skornar í bita
1 bolli niðursoðnar kjúklingabaunir, vökvanum hellt af
½ bolli rúsínur
2 stk. kanilstangir
1 ½ tsk. cumin
½ tsk. túrmerik
5 bollar vatn
2 stk. meðalstórir kúrbítar (zucchini), skornir í bita
2 bollar cous cous

Aðferð

• Brúnið kjúklingakjötið í olíunni í stórum potti í u.þ.b. 10 mín. eða þangað til hann er orðinn brúnn á öllum hliðum.
• Bætið við lauk, hvítlauk, kjúklingabaunum, engifer, gulrótum, rúsínum, kanilstöngum, cumin, túrmerik og vatni.
• Látið suðuna koma upp, lækkið undir pottinum og látið malla í 20 mín.
• Bætið kúrbítnum við og látið malla í 10 mín. í viðbót.
• Takið kanilstangirnar upp úr. Kryddið með salti og pipar eftir smekk.
• Berið fram í stórum skálum ofan á soðnum cous cous.
• Þessi réttur er tilvalinn til frystingar eftir eldun.