Sítrónukjúklingur með kryddsósu (fyrir 4-5)

Hráefni

1500 g kjúklingabitar
2 sítrónur
frönsk kryddblanda (Provencale)
matarolía eða smjör til steikingar
4 lárviðarlauf
1 kjúklingateningur
4 dl vatn
salt og pipar
sósujafnari
örlítill sykur

Aðferð

• Kreistið safa úr einni sítrónu og nuddið yfir kjúklingabitana.
• Kryddið með franskri kryddblöndu og látið bíða í 15-20 mín.
• Þerrið kjúklingabitana og brúnið í potti í matarolíu eða smjöri.
• Setjið lárviðarlauf og einn kjúklingatening út í ásamt vatninu.
• Sjóðið réttinn í klukkutíma eða þar til kjötið er meyrt.
• Sneiðið hina sítrónuna og bætið tveimur til þremur sneiðum út í réttinn síðustu mínúturnar.
• Kryddið með salti og pipar.
• Takið kjúklingabitana upp úr pottinum og jafnið soðið með sósujafnara.
• Bragðbætið með sítrónusafa, örlitlum sykri og franskri kryddblöndu.
• Gott er að bera réttinn fram með hrísgrjónum og brauði.